Нұр-Сұлтан, BAQ.KZ. Қарағандыдағы №1 тау-кен өндірістік колледжінде өндірістік альпинизм мектебі өз жұмысын бастайды. Бұл жобаны «АльПромТрейд» компаниясы Қазақстан Республикасының «Атамекен» Ұлттық кәсіпкерлер палатасының, ҒЗТКЖ тобының және Қазақстан құрылысшылар қауымдастығының қолдауы арқасында жүзеге асыруда.
Бұл – Қарағанды облысындағы осындай типтегі алғашқы мектеп. Өнеркәсіптік альпинистер әр түрлі тапсырмаларды орындай алады. Мысалы, қабырғаларды тегістейді, биік ғимаратттардың терезелері мен қабырғаларын жуады, радио және теледидар мұнараларын жөндейді.
Біз колледж студенттеріне ақысыз білім беруді жоспарлап отырмыз. Сондай-ақ қазірдің өзінде ақылы негізде кез келген адам келе алады, - дейді «АльПромТрейд» компаниясының директоры Виталий Булавинцев. - Үш ай ішінде тәжірибелі және білікті мамандар балаларға арқан жүйелерінде жұмыс істеу техникасын, сонымен қатар биіктікте жұмыс істеудің жалпы тұжырымдамасын және қауіпсіздік техникасын үйретеді.
Тіпті қыздар да «өндірістік альпинист» мамандығына ие бола алады. Ең бастысы, сіз 18 жаста болуыңыз керек және биіктікте жұмыс істеу үшін денсаулыққа қарсы көрсетілімдер жоқ болуы тиіс.
Виталий Булавинцевтің айтуынша, қазір облыста өнеркәсіптік альпинизм бойынша мамандарға деген қажеттілік бар.
Бұл мамандық колледж түлектеріне қатысты. Бұл кез-келген құрылыс компаниясына жұмысқа орналасу кезінде үлкен плюс болады. Себебі, бүгінде ірі құрылыс ұйымдары өндірістік альпинистердің қызметін қажет етеді, - деп атап өтті ол.
