Израиль Қорғаныс армиясы (IDF) Газа секторында кең ауқымды құрлық операциясын бастады, деп хабарлайды BAQ.KZ ТАСС агенттігіне сілтеме жасап.
Армияның баспасөз қызметінен мәлім еткендей, операция "Гидеон арбалары" атауын иеленіп, Газа секторының солтүстік және оңтүстік бөліктерін қамтып отыр.
Соңғы аптада Израиль әскери-әуе күштері жаудың қорғанысын әлсірету және құрлық операциясына қолдау көрсету мақсатында Газа секторындағы 670-тен астам ХАМАС террористік нысандарына соққы берді, – делінген ресми хабарламада.
Соққыға ұшыраған нысандар қатарында қару-жарақ қоймалары, жерасты туннельдері, зымыран ұшыру қондырғылары және басқа да ХАМАС инфрақұрылымдары бар. Израиль Қарулы күштері операция аймағында өз позицияларын бекітіп жатыр.
Армия баспасөз қызметі Израиль азаматтарының қауіпсіздігін қамтамасыз ету мақсатында террористік ұйымдарға қарсы әрекеттер жалғасатынын атап өтті.
