Ғарышқа сынақ ретінде туристер ұшып барып келді

23 Мамыр 2021, 16:18
1887
Бөлісу:
Ғарышқа сынақ ретінде туристер ұшып барып келді

Нұр-Сұлтан, BAQ.KZ. «Virgin Galactic» компаниясының «Unity» ракетопланы негізгі үш сынақ ұшырылымының біріншісін жасады. Бұл туралы Хабар24 хабарлады.

«Unity»-ге мінгесіп ұшқан ғарышкердің бірі НАСА-ның бұрынғы астронавты Си Джей Стеркоу, ал екіншісі Galactic-тің аға сынақшы-ұшқышы Дейв Маккей болды. 

Егер бәрі жоспар бойынша жүрсе, Virgin-ді басқарушы британдық кәсіпкер Ричард Брэнсон коммерциялық рейстерді бастауы мүмкін. Олардың басқаруымен ұшу аппараты 89 км биіктікке көтеріле алды, содан кейін ол Жерге қарай қалықтап қонды. Жер атмосферасының ғарышпен шекарасы 100 км биіктікте болды. 

Қазірдің өзінде ақшасы төленген билеттері бар 600-ге жуық болашақ жолаушы ғарыш пен Жердің шекарасына ұшу кезегін күтіп жүр. Олардың арасында танымал актерлер мен музыканттар бар. Бірақ әуелі ракетоплан барлық қажетті лицензияларды алуы керек.

Бұл процесс осы жылдың соңына дейін аяқталады. Лицензиялау процесін АҚШ федералды азаматтық авиация басқармасы (FAA) жүзеге асырады, оған сенбіде Нью-Мексико шөлінің үстінен ұшу туралы техникалық мәліметтер жіберіледі.

Өзгелердің жаңалығы