«G2J» алаңында жастарды тұрғын үймен қамтамасыз ету мәселелері талқыланды

«G2J» алаңында жастарды тұрғын үймен қамтамасыз ету мәселелері талқыланды
2259

Нұр-Сұлтан, BAQ.KZ. Жастарды тұрғын үймен қамтамасыз ету мәселесінің оңтайлы шешімдерін іздеу мақсатында «Жастар» ҒЗО базасында АҚДМ вице-министрі Александр Данилов, Қазақстандағы Отбасы банкінің өкілдері, Құрылыс, тұрғын үй-коммуналдық шаруашылық саласындағы сарапшылар және басқалардың қатысуымен «G2J» («Government to Jas») сараптама алаңының отырысы өтті.

Бұл туралы Ақпарат және қоғамдық даму министрлігінің баспасөз қызметі хабарлады.

Тұрғын үй сатып алу мәселесі жастарды ең көп алаңдататын негізгі мәселелердің үштігіне кіреді. «Жастар» ҒЗО деректеріне сәйкес, жастардың жартысынан азында (41,2%) таяудағы екі жылда өздерінің тұрғын үй жағдайларын жақсарту жөніндегі белгілі бір жоспарлары бар, - деді «Жастар» ҒЗО директоры Азиз Искаков.

Жиын барысында жастар үшін тұрғын үйді жалдау және жеңілдетілген ипотекалық кредит беру құралдарын дамыту, сондай-ақ студенттік жатақханалардың құрылысы мен қолжетімділігі мәселелері талқыланды.

Кездесу нәтижелері бойынша қолданыстағы бағдарламалардың қолжетімділігі мен тиімділігін арттыру үшін қоғамдық қызмет, МЖӘ, құрылыс саласындағы сарапшыларды, кәсіпкерлер мен мемлекеттік органдардың өкілдерін тарта отырып, жеке стратегиялық сессия ұйымдастыру жоспарлануда.

Қысқа да нұсқа. Жазылыңыз telegram - ға

Фото: дереккөз
Өзгелердің жаңалығы