Нұр-Сұлтан, BAQ.KZ тілшісі. 8 наурыз – көктемнің келгенін сезінетін мереке. Яғни бұл аяулы аналарымыз, ару қыздарымыз, әпке-жеңгелерімізді қуантатын ерекше күн.
Мейрам жақындағанда барлық арумыз жақындарынан, әріптестерінен әдемі гүл шоқтарын алады.
Мерекеге орай елордалық гүл дүкенінің флорисі Айдана Әкімовадан 8 наурызға қыз-келіншектерге қандай гүл сыйлауға болатынын және гүлді қалай күту керегін сұрап білдік.
Флористің сөзінше, бұл мерекеде әйелдерге қызғалдақ гүлін сыйлаған дұрыс. Себебі қызғалдақ «наурыздың символы».
