Нұр-Сұлтан, BAQ.KZ. Мансабын аяқтаған қазақстандық боксшы Фируза Шарипова кәсіпқой рингке оралғанын ресми мәлімдеді, деп жазады Prosports.kz сайты.
Ресми! Қайта оралдым! Қарымта жекпе-жекті көргілеріңіз келе ме?, - деп жазды Фируза Шарипова Instagram-парақшасында.
Сондай-ақ, боксшы қыз Instagram-парақшасында ресейлік Софья Очигаваға қарсы жекпе-жектің ресми анонсын жасады.
Еске салсақ, Фируза Шарипова өзінің чемпиондық жекпе-жегіне тиісті қаражат бөлінбегендіктен мансабын аяқтаған болатын.
