Нұр-Сұлтан, BAQ.KZ. Филиппин астанасы Манилада локдаун жарияланды, деп хабарлады «Хабар 24».
Бұған аймақта коронавирустың «Дельта» штамының өршіп кетуі себеп болған. Шектеу шаралары тамыздың 20-сына дейін жалғаспақ. Осы уақыт аралығында жергілікті тұрғындар үйлерінен тек азық-түлік дүкені мен ауруханаға ғана шыға алады.Аймақтағы коменданттық сағат та өз күшінде қала бермек. Ал қала сыртында блок-бекеттер орнатылды.
Айта кетейік, ел астанасында осымен үшінші мәрте қатаң локдаун жарияланып отыр.
