Нұр-Сұлтан, BAQ.KZ. AstraZeneca вакцинасы 18 жастан асқан адамдарға екі дозадан берілетін болады.
Еуропалық комиссия Еуропалық Одақ нарығында шведтік-британдық AstraZeneca компаниясының Сovid-19 коронавирусына қарсы үшінші вакцинаны пайдалануға рұқсат берді. Бұл туралы 29 қаңтарда Twitter-де ЕК презиенті Урсула фон дер Ляйен хабарлады.
Біз AstraZeneca вакцинасын ЕО нарығында Еуропалық дәрі-дәрмек агенттігінің (EMA) осы препаратты оң бағалауынан кейін қолдануға рұқсат бердік. Мен компания келісілгендей, 400 миллион дозаны жеткізеді деп күтемін, – деп жазды ол.Еуропалық Комиссияның коммюникесінде AstraZeneca вакцинасы 18 жастан асқан адамдарға екі дозадан берілетіні көрсетілген. Алайда, құжатта EMA препаратын сынау нәтижелері бойынша 55 жастан асқан адамдар үшін оның тиімділік дәрежесі туралы жеткілікті деректер алынбағаны көрсетілген. Алайда, ұйымның сарапшылары осы жас топтары туралы қолда бар мәліметтер мен басқа вакциналарды қолдану тәжірибесі негізінде AstraZeneca препаратын қарт адамдарға беруге болады деп қорытындылады.
AstraZeneca вакцинасы ЕО-да мақұлданған үшінші вакцина болып отыр. Бұған дейін еуропалық реттеуші Pfizer/BioNTech және Moderna компаниялары өндірген препараттарды сертификаттаған болатын.
