Ер адам Астана әуежайына "бомба" қойды

1 Қыркүйек 2023, 00:12
491
Бөлісу:
Ер адам Астана әуежайына "бомба" қойды
Фото: Нұркен Алишев

Астана халықаралық әуежайынан "Астана-Алматы" бағытымен ұшатын жолаушы тіркеуден өту кезінде өзімен бірге бомба бар екенін айтқан, деп хабарлайды BAQ.KZ.

Әуежайда дабыл қағылып, қызметкерлер нысанды шұғыл тексеруге мәжбүр болды.

Алайда Астана халықаралық әуежайының авиациялық қауіпсіздік қызметінің мамандары жарылғыш затты таппады. Жолаушы болса рейске жіберілмей, желілік полиция бөлімі қызметкерлеріне тапсырылды.

Қазір оған қатысты ҚР Қылмыстық кодексінің 273-бабы бойынша тергеу басталды.

Ер адам бұл қылығын "бір қызды ұнатып, соған әзілдемек ниетте" жасағанымен түсіндірген.

Жыл басынан Астана халықаралық әуежайында жарылғыш зат туралы жалған ақпарат беру бойынша 30 іс тіркелген.

Өзгелердің жаңалығы