Нұр-Сұлтан қаласының Полиция департаменті Экстремизмге қарсы іс-қимыл басқармасының қызметкерлері мектептердің терроризмге қарсы қауіпсіздігіне тексеру жұмыстарын жүргізді, деп хабарлайды BAQ.KZ.
Нұр-Сұлтан қаласы ПД баспасөз қызметінің мәлімдеуінше, тексеру барысында объектілердің басшыларымен жалпы білім беру ұйымдары қызметкерлерінің күдікті зат табылған кездегі, терроризм актісінің нәтижесінде пайда болған техногендік сипаттағы қатерлерді жою жөніндегі іс-әрекеттері тақырыбында дөңгелек үстел өткізілді, сондай-ақ бейнероликтер көрсетіліп, адамдардың өмірі мен денсаулығын сақтауға бағытталған төтенше жағдайлар кезіндегі тұрғындардың іс-әрекеттері туралы жадынамалар табыс етілді.
Құқық бұзушылықтың алдын алу мақсатында ҚР ҚК 273-бабы (Терроризм актісі туралы көрінеу жалған хабарлау) бойынша құқыққа қарсы әрекет жасағаны үшін жауапкершіліктің қарастырылғаны туралы жеткізілді.
Мұндай ұсыныстар төтенше жағдайлар кезінде профилактикалық іс-шаралар мен іс-қимылдарды ұйымдастыруға көмектеседі.
