Астанада қыс мезгілінің басынан бері коммуналдық қызмет күшейтілген режимде тәулік бойы жұмыс істеп келе жатыр, деп хабарлайды BAQ.KZ тілшісі.
Күн сайын қар күреу жұмысына екі мыңға жуық жұмысшы жұмылдырылады. 23 ақпанға қараған түннің өзінде қаладан 17,5 мың текше метр қар немесе 1 358 рейс шығарылған.
Бейсенбі күні таңертең қар күреу үшін екі мыңнан астам жұмысшы мен мыңға жуық арнайы техника жұмыс істеді.
Қыс мезгілінің басынан бері қар полигондарына 3,4 млн текше метрден астам қар яғни 276 988 рейске тең қар шығарылған.
Тұрақсыз ауа райына және температураның өзгеруіне байланысты көшеде көктайғақ пайда болатыны белгілі. Қала тұрғындары мен қонақтары көктайғақ кезінде қауіпсіздік ережелерін сақтап, абай болу керек. Азаматтардың емін-еркін жүруі үшін жолдарға, тротуарларға, көшелерге құм-тұз қоспасы себіледі.
Әсел Әбілбек
