Елордада өзгелердің атынан несие рәсімдеген ер адам ұсталды

Елордада өзгелердің атынан несие рәсімдеген ер адам ұсталды
545

Нұр-Сұлтан, BAQ.KZ. Мамыр айында полицияға елорданың 15 тұрғыны олардың атына шағын несие беру ұйымдарында онлайн-несиелерді алаяқтық жолмен ресімдегені туралы жүгінген. 

Барлық факті бойынша ҚК 190-бабы 2-бөлігі (ақпараттық жүйені пайдаланушыға қатысты алаяқтық) бойынша сотқа дейінгі тергеу басталды.

Аталған қылмыстарды жасауда бұрын осыған ұқсас қылмыстар жасағаны үшін жауапкершілікке тартылған ШҚО-ның 30 жастағы тұрғыны әшкереленді. 

Ер адам 2021 жылы жәбірленушілердің жеке деректерін пайдалана отырып, оларға микрокредиттік ұйымның интернет-порталы арқылы 50 000-нан 100 000 теңгеге дейінгі сомаға кредиттер ресімдегені анықталды. Жалпы материалдық шығын 1 200 000 теңге. Қылмыстық істер сотқа жіберілді. Интернет-алаяқтық бойынша күдікті 3 жылдан 7 жылға дейін бас бостандығынан айырылуы мүмкін.

Полиция 5 айнда Нұр-Сұлтан қаласының аумағында несиелерді заңсыз рәсімдеудің 250-ден астам фактісі тіркелгенін атап өтті.     

Қысқа да нұсқа. Жазылыңыз telegram - ға

Фото: дереккөз
Өзгелердің жаңалығы