Елордада масаларға қарсы дезинсекциялық жұмыстар жалғасып жатыр
25 Мамыр, 18:33 517

Елордада масаларға қарсы дезинсекциялық жұмыстар жалғасып жатыр

Нұр-Сұлтан, BAQ.KZ. Елордада дезинсекциялық жұмыстар белсенді жүргізілуде. Масалар мен шіркейлердің санын азайту мақсатында ашық аумақтар – саябақтар, скверлер, тұрғын үй алаптары өңделеді, деп хабарлайды қала әкімдігінің ресми сайты.

Маусым басталғалы бері Қоршаған ортаны қорғау және табиғатты пайдалану басқармасы "Астаналық дезинфекция" ЖШС-мен бірлесіп бірінші тур аясында масалар мен шіркейлердің жаппай көбеюін болдырмау мақсатында қаланың барлық аудандарының жүзден астам таяз су қоймалары мен сулы-батпақты жерлерін өңдеді.

Кеше кешке дезинсекциялық жұмыстардың екінші туры басталды, ашық стацияларды - кварталішілік аумақтарды, көшелерді, саябақтарды, гүлбақтарды, тұрғын үй алаптарын және т.б. өңдеу басталды. Бұл жұмыстар толығымен жойылуға емес, тітіркендіретін жәндіктердің санын азайтуға бағытталған, өйткені олар табиғи экожүйенің ажырамас бөлігі болып табылады.

Естеріңізге сала кетейік, дезинсекциялық іс-шаралар түнгі уақытта сағат 21.00-ден 04.00-ге дейін алты турда өткізіледі, олардың әрқайсысы айына 20 күнге созылады.

Елорда тұрғындары мен қонақтарының жайлы демалуы үшін адамдар көп жиналатын орындарға, оның ішінде саябақтарға, жағалауларға, скверлерге және т.б. ерекше көңіл бөлінеді.

Жұмысқа 150 дезинфектор мен биолог-энтомолог, 120 бірлік мотор-ранцты бүріккіштер, термогенераторлар және басқа да арнайы техника жұмылдырылды.

Дезинсекциялық іс-шаралар кезінде сақтық шараларын сақтау маңызды. Өңделген жерлерге баруды шектеу керек және өңдеу кезінде терезелерді жабу керек.

Бейінді басқармада өңдеу кезінде құрамында хлорпирифос және малатион белсенді заты бар адамдар мен жануарлар үшін қауіптілігі төмен инсектицидтер қолданылады деп сендірді. Бұл препараттар Қазақстан Республикасының аумағында қолдануға рұқсат етілген тізілімге енгізілген.


Фото: дереккөз
Загрузка...