Нұр-Сұлтан, BAQ.KZ. Целиноград ауданы Қараөткел ауылдық округінің Қаражар ауылының тұрғыны Гүлстан Байбатырова Ақмола облысы Полиция департаментінің бастығы генерал-майор Арманбек Баймурзинге көрсеткен көмегі мен ведомство қызметкерлерінің адал қызметі үшін алғысын білдірді, деп хабарлайды Polisia.kz.
Өзінің алғысхатында ол Целиноград АПБ полиция бөлімінің ЖПҚБ учаскелік инспекторының көмекшісі аға лейтенант Дәурен Жаңапияновтың жұмысын атап өтті.
Әйелдің айтуынша, 6 тамызда Нұр-Сұлтан қаласының теміржол вокзалының аумағында кездейсоқ жолаушыдан inDriver таксиіне қоңырау шалуды сұраған. Кейінірек, ол үйге жеткенде әмиянның жоғалғанын анықтады, оның ішінде жеке құжаттар, екі ұялы телефон және ақшасы бар банк карталары болды. Әйел такси жүргізушісімен байланыса алмады.
Өйткені оның телефон нөмірі болмаған, автомобильдің маркасы және нөмірі есімде жоқ, - дейді Гүлистан Байбатырова.
Содан кейін Гүлистан Мұханбетқалиқызы полициядан көмек сұрады. Аға лейтенант Дәурен Жаңапиянов қысқа мерзім ішінде ауыл тұрғыны үйіне жеткен автокөлік нөмірі мен маркасын анықтады. Полицей әйел жоғалтқан барлық жеке мүлкін аман-есен қайтарды.
Өз кезегінде, Қаражар ауылының тұрғыны өз хатында Целиноград ауданы ПБ қызметкерлеріне кәсібилігі үшін шын жүректен алғысын білдірді.
Маған жоғалған заттарымды іздеу мен қайтарудағы жеделдігі үшін рахмет. Оған жұмыста табыс, жеке өмірінде бақыт тілеймін. Осындай полиция қызметкерлері көбірек болсын, – деп жазады Гүлстан Байбатырова.Аға лейтенант Дәурен Жаңапиянов ішкі істер органдарында 2013 жылдан бері қызмет етіп келеді. Бұрын патрульдік полиция ротасында қызметте, сондай-ақ кезекшінің көмекшісі лауазымында болған. Бақытты отағасы: қызы мен ұлын тәрбиелеуде.
