Елімізге мол мөлшерде заңсыз телефон әкелудің жолы кесілді

14 Желтоқсан 2021, 17:27
1053
Бөлісу:
Елімізге мол мөлшерде заңсыз телефон әкелудің жолы кесілді

Нұр-Сұлтан, BAQ.KZ. Мемлекеттік кірістер комитеті елімізге "Apple" және "Samsung" фирмаларының смартфондары мен электрондық құрылғыларының ірі партиясын жүк бөлігінде жасырып әкелу әрекеттерінің жолын кесу туралы хабарлады.

Жүктерді жасырын тасымалдау үшін жабдықталған құпия орнынан "Iphone" смартфондарының 2 134 бірлігі, "Ipad" планшеттерінің 124 бірлігі, "Apple iWatch" смарт-сағатының 451 бірлігі және тауарға ілеспе құжаттары жоқ танымал брендтердің басқа да электрондық құрылғылары табылды.

Алдын ала деректер бойынша жүктің жалпы құны 1 млрд.теңгеден асады.

"Аухатты" автомобиль өткізу пункті арқылы тек бос жүк автокөлік құралдарының жүруіне рұқсат етілгенін атап өткен жөн.

Әкелу фактісінің жолын кесу бойынша іс-шараларды Жамбыл облысы бойынша Мемлекеттік кірістер департаменті экспорттық бақылау басқармасының қызметкерлері, Қазақстан Республикасы Ұлттық қауіпсіздік комитетінің Шекара қызметі мен Жамбыл облысы бойынша Экономикалық тергеу департаментінің қызметкерлерімен бірлесіп жүргізді.

Аталған факт Жамбыл облысы Шекара қызметі департаментінің АЕК-те тіркеліп, процессуалдық шешім қабылдау үшін экономикалық тергеу департаментіне берілді.

Өзгелердің жаңалығы