Еліміздің тағы бір әуекомпаниясының паркі жаңа әуе кемесімен толықты

Еліміздің тағы бір әуекомпаниясының паркі жаңа әуе кемесімен толықты
PHOTO
450

 Индустрия және инфрақұрылымдық даму министрі Қайырбек Өскенбаевтің тапсырмасы бойынша Азаматтық авиация комитеті қазақстандық авиакомпаниялармен бірлесіп, әуе кемелер паркін өсіру, тасымалдау сыйымдылығын ұлғайту және рейстердің кешігу санын азайту жөніндегі жұмысты жалғастыруда, деп хабарлайды BAQ.KZ.

Бүгін түнде «Fly Arystan» әуекомпаниясының «А320nео» жаңа әуе кемесі келді. Бұл ұшақ авиакомпания паркіндегі 12-ші кеме және сыйымдылығы 188 орны бар алғашқы борт (әуекомпанияның қалған кемелерінің  сыйымдылығы 180 орын).

Осылайша, ағымдағы жылдың тамыз айынан бастап қазақстандық әуекомпаниялар үшін сыйымдылығы 174-тен 189 орны бар алты әуе кемесі алынды.

 

Әуе кемесін пайдалануға беру әуекомпанияның тасымалдау сыйымдылығына, кесте мен билет ұсыныстарының уақытылы орындалуына оң әсерін тигізеді.

Ағымдағы жылдың соңына дейін қазақстандық әуекомпаниялар қосымша сегіз ұшақ алмақ, бұл тасымалдау сыйымдылығын 20%-ға арттыруға мүмкіндік береді. Қазақстан әуекомпаниялардың әуе паркін кеңейту бойынша жұмыс жалғасуда және Азаматтық авиация комитетінің тұрақты бақылауында.

Қысқа да нұсқа. Жазылыңыз telegram - ға

Фото: ашық дереккөз
Өзгелердің жаңалығы