Нұр-Сұлтан, BAQ.KZ. Қазақстанның бірнеше өңіріндегі трассалардағы қозғалыс шектеулері алынып тасталды.
Бұл туралы ИИДМ баспасөз қызметі хабарлады.
Ақмола облысында 24 қаңтарда сағат 12.00-де «Нұр-Сұлтан – Петропавл» тас жолы 18-231 км, Нұр-Сұлтан – Щучинск қаласы учаскесі бойынша қозғалыс ашылды.
Сонымен қатар Жамбыл облысында 24 қаңтарда сағат 08.30-да «Алматы – Ташкент – Термез» автожолы, 536-593 км, Айша-бибі А учаскесі – Түркістан облысының шекарасы ашылды.
Тараз – Шымкент жолындағы шектеу алынып тасталды. Қозғалыс автокөліктің барлық түрі үшін қалпына келтірілді. Қатты желдің салдарынан Қордай-Благовещенка трассасы (жаңа асу – бетонка) жабылды. Қозғалыс ескі асу (Қордай – Отар) бойынша жүргізіледі.
Бұдан бөлек Түркістан облысында 24 қаңтарда сағат 08.45-те «Алматы – Ташкент – Термез» автожолы бойынша қозғалыс ашылды. Жамбыл облысы бойынша – Машат ауылы.
Қызылорда облысы, «Самара – Шымкент» автожолы, 1912-2057 км, Бәйгеқұм кентінің учаскесі – Түркістан облысының шекарасы сағат 05.25-тен бастап ашылды.
Түркістан облысы «Самара – Шымкент» автожолы 2057-2175 км учаскесі Қызылорда облысының шекарасы – Төрткөл кенті 05.30-дан бастап ашылды.
Атырау облысында ауа райы бұлтты, тұман 0, -2. АТС қозғалысы үшін үзілістер немесе шектеулер жоқ. Жол-көлік оқиғасы тіркелген жоқ.
