ИИДМ Азаматтық авиация комитеті отандық авиакомпаниялармен бірлесіп, әуе кемелерінің паркін ұлғайту мен тасымалдау сыйымдылығын арттыру бойынша жұмысты жалғастырып келеді, деп хабарлайды BAQ.KZ.
ИИДМ мәлімдеуінше, SCAT компаниясы сыйымдылығы 213 орынға шақталған «Боинг-737 МАХ 9» ұшағына ие болды. Осы арқылы әуе тасымалдаушының флоты 34 ұшаққа дейін артты.
Жаңа ұшақтың көмегімен SCAT-тың жолаушыларды тасымалдау сыйымдылығы ұлғайып, рейстерді уақтылы орындауға оң әсер етеді деп күтіліп отыр.
Айта кету керек, бұл әуе кемесі аталған авиакомпанияның былтырғы тамыз айынан бастап сатып алған осымен 8-ші ұшағы саналады.
Осылайша, бұл әуе кемесі өткен жылдың тамыз айынан бастап авиакомпания алған сегізінші әуе кемесі болып табылады.
Бұл ретте қазақстандық авиакомпаниялардың ұшақтарды жаңартып, ұлғайту бойынша жұмыстары Индустрия және инфрақұрылымдық даму министрлігінің ұдайы бақылауында екенін айта кеткен орынды.
