Нұр-Сұлтан, BAQ.KZ. Солтүстік Қазақстан облысы, Қостанай мен Шығыс Қазақстан және Ақмола облыстарында ауа райының қолайсыздығына байланысты дабылды ескерту жарияланды. Бұл туралы "Қазгидромет" РМК хабарлады.
27-28 қазанда Солтүстік Қазақстан облысында оңтүстік-батыстан жел соғады, желдің күші 15-20, екпіні 23-28 м/с жетеді.
27 қазанда Ақмола облысында оңтүстік-батыстан жел соғады, түнде кей жерлерде желдің күші 15-20 м/с, күндіз басым бөлігінде 15-20, кей жерлерде желдің екпіні 23-28 м/с жетпек. 28 казанда батыстан, солтүстік-батыстан жел соғады, күші 15-20, кей жерлерде екпіні 23-28 м/с жетеді.
28 қазанда Қостанай облысының оңтүстік-батыстан соғатын желдің күші 15-20, кей жерлерінде екпіні 23-28 м/с жетеді деп болжануда.
28 қазанда Шығыс Қазақстан облысында оңтүстік-батыстан жел соғады, кей жерлерде 15-20, екпіні 25 м/с жетеді.
