Елімізде «крыша», «рейдерлік» дегендер болмауы керек – Тоқаев
19 Мамыр, 18:31 1066

Елімізде «крыша», «рейдерлік» дегендер болмауы керек – Тоқаев

Нұр-Сұлтан, BAQ.KZ тілшісі. Бұл туралы Мемлекет басшысы Қасым-Жомарт Тоқаев отандық бизнес өкілдерімен кездесуі кезінде айтты.

Мемлекет басшысы ретінде мен барлығына әділ ойын ережелері бар ашық экономика құру саясатын жалғастырамын. Біз жылы орындар мен лауазымдарды қайта бөлуге жол бермейміз, - деді Қасым-Жомарт Тоқаев.

Президент қазір құқық қорғау органдарының жұмысына шағымдар түсіп жатқанынан хабардар екенін айтты.

Тәртіпті қалпына келтіру барысында олар ескі әдіспен жұмыс істеп, былайша айтқанда, лайықты бизнеспен айналыса алады. Сондықтан «үлкен істер шығынсыз мүмкін емес» деген қағида бұл жерде жұмыс істемейтінін ашық айтамын. Егер мұндай фактілер анықталса, әрбір жағдай бойынша арнайы тексеру шаралары жүргізіледі, тиісті баға беріледі, - деп түсіндірді Тоқаев.

Мемлекет басшысы 2019 жылғы Жолдауында кәсіпкерлікке заңсыз кедергі жасауды мемлекет мүддесіне қарсы қылмыс деп санау керегін айтқанын еске салды. 

Бұл Бас прокуратураның жұмысы. Алаяқтармен күресу керек, тағы да қайталап айтамын алаяқ, аферистермен күресу керек. Бірақ біз емнің аурудан жаман болуына жол бермеуіміз керек. Елімізде «крыша», «рейдерлік» дегендер болмауы керек. Егер бизнес адал жұмыс істеуге дайын болса және ол креативті және заманауи үлгіде болса, біз оны қолдап, ұлттық экономиканың жаңа моделіне енуіне көмектесуіміз керек, - деп түсіндірді Қасым-Жомарт Тоқаев.


Фото: дереккөз
Загрузка...