Бұл туралы үкімет отырысында Денсаулық сақтау министрі Ақмарал Әлназарова мәлім етті, деп хабарлайды BAQ.KZ тілшісі.
Қазіргі таңда елімізде 6 891 дәрілік заттар мен 13 мыңнан астам медициналық бұйымдар тіркелген. Елімізде дәрілік заттар мен медициналық мақсаттағы бұйымдарға зертханалық сараптама жасау бойынша 3 зертхана жұмыс істейді. Бұл зертханалар ДЗ сапасына, қауіпсіздігіне және тиімділігіне сараптама жүргізеді. Сараптама қорытындасы бойынша ДЗ-тардың қойылған талаптарға сәйкес келмеуіне байланысты жыл басынан бері нарыққа 145 ДЗ немесе берілген өтінімдердің 2,6% енгізілмеді, - деді Денсаулық сақтау министрі.
Министр 1 шілдеден бастап дәрілік заттарды таңбалау мен қадағалау енгізілгенін атап өтті.
Бұл ДЗ-дың заңсыз айналымын анықтап, олардың қолданысқа өтуіне бөгет болады. Қазіргі таңда 68.6 млн (еск - 39,3 млн – шетелдік, 29,3 млн - отандық) астам дәрілік заттардың қаптамасы таңбаланып, оның 28,5 млн айналымға енгізілді. Бұл жұмысқа отандық дәрі-дәрмек өндірушілер, тасымалдаушылар, жеке айналымдағы дәріханалар мен 1 784 медициналық ұйымдар қатысуда. Бұл өз кезегінде, тегін медициналық көмектің кепілдік берілген көлемі мен міндетті әлеуметтік медициналық сақтандыру шеңберінде дәрілік заттардың толық айналымын бақылауды қамтамасыз етуге мүмкіндік береді, - деді Әлназарова.
Еске сала кетейік, осыған дейін Үкіметте Бектенов бір айда 130-дан астам өрт шыққанын айтқаны туралы жазғанбыз. Елімізде өрт сөндіру бөлімшелерін салу тәсілі қайта қаралды. Төтенше жағдайлар министрі Шыңғыс Әрінов өрттің көбіне неден шығатынын айтты.
