Елена Рыбакина әлемдегі үздік 25 теннисшінің қатарына қосылды

15 Тамыз 2022, 15:10
807
Бөлісу:
Елена Рыбакина әлемдегі үздік 25 теннисшінің қатарына қосылды

Қазақстанның бірінші ракеткасы Елена Рыбакина әлемдегі үздік 25 теннисшінің қатарына қайта кірді, деп хабарлайды BAQ.KZ.

Қазақстан теннис федерациясынан мәлім еткендей, Әйелдер теннисі қауымдастығы (WTA) жариялаған рейтингіде Елена Рыбакина 27-ден 25-орынға көтерілді.

Торонто турнирінің ширек финалына дейін жеткен Юлия Путинцева 46-дан бірден 38-ге жоғарылады.

Зарина Дияс 244-тен 241-ге, Гөзал Айнитдинова 587-ден 584-орынға шықты.

Жұптық сында Анна Данилина 21-орнында қалса, Жібек Құламбаева 258-сатыда.

Ерлер арасында Кәсіби теннисшілер қауымдастығы (ATP) рейтингісінде Қазақстанның бірінші ракеткасы Александр Бублик 41-ден 42-ге, Дмитрий Попко 189-дан 219-ға төмендеді. Есесіне Михаил Кукушкин 222-ден 213-ке жайғасып, қайтадан Қазақстанның екінші ракеткасы атанды.

Жұптық сында Андрей Голубев 44-тен 47-ге сырғыса, Александр Недовесов 57-ден 54-ке көтерілді.

Өзгелердің жаңалығы