Екібастұзда аулада жеңіл көлік алты жасар баланы қағып, бала қаза тапты

Екібастұзда тұрғын үй ауласында жеңіл көлік алты жасар баланы қағып, бала қаза тапты. Полиция қайғылы оқиғаның мән-жайын анықтап жатыр.

Павлодар облысының полиция департаменті өліммен аяқталған жол-көлік оқиғасы туралы ақпаратты растады. Кәмелетке толмаған баланы көлік қағып кеткен факті бойынша қылмыстық іс қозғалды.

Оқиғаның себептері мен мән-жайы тергеу барысында анықталады. Полиция жүргізушілерге жол қозғалысы ережелері мен жылдамдық режимін қатаң сақтауды, әсіресе көлік қозғалысы қарқынды аумақтарда барынша мұқият болуды еске салды.