Әлемде 350 млн адам әлі күнге дейін аштықтың зардабын көріп отыр. Бұл туралы Дүниежүзілік сауда ұйымының (ДСҰ) бас директоры Доктор Нгози Оконджо-Ивеала мәлімдеді, деп хабарлайды BAQ.KZ тілшісі.
Астана халықаралық форумы аясында ДСҰ бас директорымен және Қазақстан Үкіметімен жоғары деңгейдегі арнайы сессия өтіп жатыр.
Азық-түлікке қатысты қандай проблемалар бар екенін білеміз. Сондай-ақ азық-түлік бағасы жоғары және өте құбылмалы болып отыр. Біз пандемияға дейінгі кезеңді көріп отырмыз. Мысалы, әлемде 350 млн адам әлі күнге дейін аштықтың зардабын бастарынан өткеріп келеді, - деді сарапшы.
Айтуынша, Дүниежүзілік сауда ұйымы осы санаттаға азаматтарға қолдау көрсетіп отыр.
Осындай мәселеде гуманитарлық күш-жігерлерді қалай қолдауымыз керек? Азық-түлік бағдарламаларын қалай дамытқанымыз жөн? 10 жыл бұрын ДСҰ мемлекеттері кез келген сауда шектеулерін алып тастаған болатын. Яғни аштықтан зардап шегіп жатқан елдерге ешқандай экспорттық шектеулер болмайтынын мәлімдеді, - деп айтты Доктор Нгози Оконджо-Ивеала.
Сарапшының айтуынша, экспорттық шектеулерді төмендету керек. Себебі олар азық-түлік тауарлары бағасының өсуіне және құбылмалы болуына алып келіп отыр.
