Димаш Құдайберген Түркияға қаржылай қолдау көрсетеді

8 Ақпан 2023, 11:20
1527
Бөлісу:
Димаш Құдайберген Түркияға қаржылай қолдау көрсетеді
Фото: inform.kz

Белгілі әнші Димаш Құдайберген бауырлас түрік еліне көңіл айтты, деп хабарлайды BAQ.KZ Egemen.kz сілтеме жасап.

Қазақ халқына бауырлас Түркия, Сирия және басқа да мемлекеттерде болып жатқан апатты жағдайларды естідім. Бұл жаңалықты күйзеліспен қабылдап отырмыз. Опат болған адамдардың жақындарына қайғыра көңіл айтамыз. Зардап шеккен жандардың сауығып кетуін тілейміз, - деді Димаш Құдайберген.

Сондай-ақ ол жеке ән кешінен түскен қаржының бір бөлігін қайырымдылыққа жұмсайтынын айтты.

Осы тұста әлем бойынша өткізіліп жатқан ән кештерімнен түскен қаражаттың бір бөлігін табиғи апаттан зардап шеккен отбасыларға көмек ретінде аударамын. Командама тапсырма бердім. Әр отбасыға аманшылық тіледім. Аспанымыз ашық, әлем атты ортақ үйіміз апат пен зілзаладан аман болсын, - деп түркі халқының қайғысына ортақтасты.

Өзгелердің жаңалығы