Дәрігерлер жер сілкінгенге қарамастан ота жасауды жалғастырды

Алматыда жер сілкінгенде кардиология ғылыми-зерттеу институтының хирург-дәрігерлері отаны жалғастыра берді, деп хабарлайды BAQ.KZ тілшісі.

Бүгін сағат 11:22-де Алматыда 5 балдық жер сілкінісі тіркелді. Әлеуметтік желіде жер сілкінгенге қарамастан дәрігерлердің ота жасап жатқан видеосы тарады.

Алматы қаласы ТЖД жеке құрамы "Жиын" сигналы бойынша көтерілді. Зардап шеккендер туралы ақпарат түскен жоқ және жер сілкінісінің салдары туралы мониторинг, ақпарат жинау жүргізіліп жатыр.