Бұл мейрам береке-бірлігімізді арттырады – Қошанов

Бұл мейрам береке-бірлігімізді арттырады – Қошанов
784

Нұр-Сұлтан, BAQ.KZ. Мәжіліс төрағасы Ерлан Қошанов қазақстандықтарды Құрбан айт мерекесімен құттықтады.

Құрметті қазақстандықтар!
Баршаңызды қасиетті Құрбан айт мерекесімен шын жүректен құттықтаймын!
Халқымыз үшін бұл мейрамның мән-маңызы ерекше.

Құрбан айт – елдің береке-бірлігін, ырыс-ынтымағын арттыратын, адамдарды игі істерге ұйытқы болуға үндейтін қастерлі мейрам.
Бұл күндері жұртшылық мұқтаж жандарға қамқорлық жасауға ұмтылады. Құрбан айт ізгілік, мейірімділік пен қайырымдылық құндылықтарын дәріптеп, көп ұлтты халқымызды ұйыстыра түседі. Сондықтан бұл мерекенің ұрпақ тәрбиесіне, рухани сабақтастықты нығайтуға берері мол деп білемін.

Осынау шуақты мейрамда сіздерге мықты денсаулық, құт-береке және елімізге амандық тілеймін!
Айт қабыл болсын!

Қысқа да нұсқа. Жазылыңыз telegram - ға

Фото: ашық дереккөз
Өзгелердің жаңалығы