Нұр-Сұлтан, BAQ.KZтілшісі. Бұл туралы ІІМ Әкімшілік полиция комитеті төрағасының орынбасары Алексей Милюк ҚР Президенті жанындағы ОКҚ-да әйелдер мен балаларға қатысты зорлық-зомбылыққа қарсы іс-қимыл бойынша ІІО қабылдап жатқан шаралар туралы өткен брифингте айтты.
Республиканың түзету мекемелерінде 25 сотталған жазасын өтеп жатыр. Оларға соттың шешімі бойынша медициналық тұрғыдан химиялық кастрациялау жасалады, - деді ол.
Милюк тұрмыстық зорлық-зомбылық жәбірленушілерінің зорлық-зомбылыққа ұшырағанын анықтау қалай жүргізілетінін айтты.
Тұрмыстық зорлық-зомбылық дерегін тіркеу үшін сотқа дейінгі мекеме, яғни полиция медициналық сараптама жүргізу бойынша қаулы шығарады. Оны арнайы медицина ұйымдары жасайды. Сараптама қорытындысымен келтірілген зақым бойынша шешім шығарылады. Медициналық сараптамадан өту полиция құзыретінен кеңейіп, Денсаулық сақтау және Әділет министрліктерінің Сот сараптамасы орталықтарына қарайды, - деді Милюк.Бұған дейін биыл қанша тұрмыстық зорлық-зомбылық жасалғаны белгілі болды.
