Алматы, BAQ.KZ тілшісі. Бұл туралы Алматы әкімі Бақытжан Сағынтаев Орталық коммуникациялар қызметінде өткен баспасөз мәжілісінде айтты.
Бүгінде жеке тұрғын үй сатып алуға жеткілікті қаржысы жоқ 29 жасқа дейінгі жастарда «Нұрлы жер» бағдарламасы бойынша қолжетімді бағамен жалға берілетін пәтерлерді алу мүмкіндігі бар. Ол бойынша ең төменгі жалдау ақысы 10 мың теңгеден басталатын 5 жыл мерзімге сатып алу құқығынсыз жалға берілетін тұрғын үй беру көзделген, – деді Сағынтаев.
2021 жылғы 15-20 қараша аралығында осы бағдарлама аясында almaty-jastary.info сайтында өтінімдерді онлайн қабылдау жүргізілді.
Наурызбай ауданының «Алма сити-5» ТК және Алатау ауданының «Мәдениет» ТК-де 1050 пәтер. Байқау қорытындысы аталған сайтта 2021 жылдың 16 желтоқсанында жарияланады. Жыл басынан бері 910 отбасы баспаналы болды. Сонымен қатар өткен жылдан бастап «Алматы жастары» қалалық бағдарламасы бойынша жылына мыңдаған жеңілдетілген несиелер беріліп келеді, – деді Алматы әкімі.
Сонымен қатар ол, өсіп келе жатқан халықты тұрғын үймен қамтамасыз ету үшін жыл соңына дейін 2,6 млн шаршы метрден астам тұрғын үйді пайдалануға беру жоспарланып отырғанын жеткізді.
Кезекте тұрғандар үшін бюджет есебінен 3,2 мың пәтер тапсырылады. «Нұрлы жер» бағдарламасы бойынша «Шаңырақ» пилоттық жобасы іске қосылды, бұл биыл 800-ден астам алматылықтарды тұрғын үймен қамтамасыз етуге мүмкіндік берді, – деді ол.
