Бішкекте Қазақстан-Қырғыз Үкіметаралық кеңесінің отырысы өтті

29 Сәуір 2022, 18:34
1876
Бөлісу:
Бішкекте Қазақстан-Қырғыз Үкіметаралық кеңесінің отырысы өтті
PHOTO

Нұр-Сұлтан, BAQ.KZ. 29 сәуірде Бішкекте Қазақстан Премьер-министрі Әлихан Смайылов пен Қырғызстан Министрлер кабинетінің төрағасы Ақылбек Жапаровтың төрағалығымен қазақ-қырғыз Үкіметаралық кеңесінің 10-отырысы өтті.

Шағын және кеңейтілген құрамдағы Үкіметаралық келіссөздерде тараптар сауда-экономикалық, су-энергетикалық, көлік-логистикалық, өнеркәсіптік және инвестициялық салалардағы екіжақты ынтымақтастықтың өзекті мәселелерін талқылады.

Бішкекте Қазақстан-Қырғыз Үкіметаралық кеңесінің отырысы өтті

Қырғыз тарапына жылы шыраймен қабылдағаны үшін алғыс білдіре отырып, Әлихан Смайылов Қырғызстан Қазақстанның негізгі сауда-экономикалық серіктестерінің бірі ғана емес, сонымен қатар дәстүрлі достық қарым-қатынастар байланыстыратын бауырлас мемлекет екенін атап өтті.

Қазақстан Үкіметінің басшысы екі ел арасындағы тауар айналымын арттыру мәселесіне ерекше тоқталды, ол қазірдің өзінде 1 млрд долларға жетіп отыр.

Бішкекте Қазақстан-Қырғыз Үкіметаралық кеңесінің отырысы өтті

«Әлбетте, біз мұнымен шектеліп қалмаймыз, екі елдің әлеуеті бұдан да жоғары деп есептеймін. Біздің алдымызда тұрған ендігі міндет – өзара сауда деңгейін $2 млрд-қа дейін жеткізу», – деді Әлихан Смайылов.

ҚР Премьер-Министрінің ойынша, қойылған мақсатқа қол жеткізу үшін тауар номенклатурасын кеңейту, индустриялық сауда-логистикалық кешендерді құру жөніндегі жұмысты жандандыру, сондай-ақ көлеңкелі тауар айналымына қарсы күрес шараларын күшейту қажет.

Бішкекте Қазақстан-Қырғыз Үкіметаралық кеңесінің отырысы өтті

Өз кезегінде Қырғызстанның Министрлер кабинетінің басшысы Ақылбек Жапаров екі халық арасындағы тарих пен мәдениеттің ортақтығына, өзара түсіністік пен сенімге негізделген достық және бауырластық байланыстар ортақ мақсат – халықтарымыздың гүлденуі мен әл-ауқатын арттыруға көмектесетініне сенім білдірді.

Бішкекте Қазақстан-Қырғыз Үкіметаралық кеңесінің отырысы өтті

Кездесу соңында тараптар келіссөздердің жемісті болғанын атап өтіп, тату көршілік және стратегиялық серіктестік рухында мемлекетаралық белсенді іс-қимылды жалғастыруға дайын екендерін білдірді.

Келіссөздер қорытындысы бойынша Үкіметаралық кеңестің 10-отырысының хаттамасына, сондай-ақ «GFC Bishkek» ЖШҚ құру туралы келісімге қол қойылды.

Бішкекте Қазақстан-Қырғыз Үкіметаралық кеңесінің отырысы өтті

Келісім АХҚО Жасыл қаржы орталығының және қырғызстандық серіктестер – «Айыл Банк» ААҚ, «Қырғыз қор биржасы» ЖАҚ және «Қырғызстан банктерінің одағы» ЗТБ қатысуымен бірлескен компания құруды көздейді. Бірлескен компанияны құру Астана халықаралық қаржы орталығын Қырғызстанда және Орталық Азия өңірінде ілгерілетуге бағытталған.

Өзгелердің жаңалығы