Ішкі істер министрі Ержан Сәденов Қуандық Бишімбаев ісі қалай жүргізіліп жатқанын айтты, деп хабарлайды BAQ.KZ тілшісі.
Тергеу аяқталды. Қазір танысу жұмыстары жүріп жатыр. Ол аяқталғаннан кейін сотқа жібереміз, - деді министр.
Сөзінше, алдымен жәбірленуші мен айыпталушы жақ құжатпен танысады. Яғни екі жақ танысып болғаннан кейін ІІМ құжатты прокуратураға жібереді, ал прокуратура сотқа жібереді.
Салтанат Нүкенованың өліміне күдікті бұрынғы экономика министрі Қуандық Бишімбаев Қылмыстық кодекстің "Азаптау" (110-баптың 2-бөлігі) және "Аса қатігездікпен адам өлтіру" (99-баптың 2-бөлігі) бабы бойынша айыпталып отыр.
Бұған дейін Бишімбаевқа қатысты сотқа дейінгі тергеу аяқталғанын хабарлаған едік.
Ал 11 қаңтарда әйелін өлтірді деп күдікке ілінген Қуандық Бишімбаевты қамауда ұстау мерзімі ұзартылды.
Еске салсақ, 2023 жылғы 9 қарашада Астана қаласындағы мейрамханалардың бірінде дене жарақаттарынан әйел адамның қаза болғаны хабарланды.
Кейіннен ол әйелдің ұлттық экономика экс-министрі Қуандық Бишімбаевтің әйелі екені анықталды. Бишімбаев әйелін мейрамханада соққыға жыққан көрінеді. Салдарынан Салтанат Нүкенова жедел жәрдем қызметі келіп жеткенше жан тәсілім еткен. Астана қалалық ПД мәліметінше, ҚР ҚК 99-бабы бойынша қылмыстық іс қозғалған болатын.
