Білім саласында осындай ауқымды міндет алғаш рет қойылып отыр – Әбенов

Білім саласында осындай ауқымды міндет алғаш рет қойылып отыр – Әбенов
5637

Нұр-Сұлтан, BAQ.KZ тілшісі. Қоғам қайраткері Мұрат Әбенов Мемлекет басшысының Қазақстан халқы Жолдауына қатысты пікір білдірді.

4 жылда 1000 мектеп ашу. Тарихта білім саласында осындай ауқымды міндет алғаш рет қойылып отыр. Оған ақшаны қайдан табатынын білмеймін, МЖӘ жобаларын қосатын шығар, бірақ жыл сайын 250 мектеп КСРО-да БАМ сияқты салынады. Әсіресе, ірі қалаларда сұраныс артып келеді. Мысалы, Нұр-Сұлтан мен Шымкентте осы жылдың өзінде өңірлердің өздері дербес шеше алмайтын күрделі проблемалар болды, - деді Әбенов.

Қоғам қайраткері мектеп салу жеткіліксіз екенін алға тартты.

Олардың білімін арттыру арқылы мұғалімдердің мәртебесін сақтау қажет. Енді бұл 5 жылда емес, 3 жылда бір рет болады. Президент барлық мұғалім бюджет қаражаты есебінен біліктілікті арттырудан өтуі керегін айтты. Қазір жеке меншік мектептер мұғалімдерді өздері оқытып жатыр. Шын мәнінде, формула дұрыс. Жеке мектептерде салық төлеушілердің балалары да бар. Олардың сапалы білім беру қызметтеріне бірдей құқығы бар, - деді Мұрат Әбенов.

Қоғам қайраткері атағандай, барлық тілек білдірушіге колледждерде 100% тегін оқу бастамасы да бар.

Бұл ЖОО-ға не колледжге бармаған 250 мың жас түлек үшін жақсы мүмкіндік. Негізінен олардың басым бөлігі аз қамтылған отбасылардан шыққан. Рас, бұл қаражатты бақылау керек - ақша «өз» колледждеріне қажет емес мамандықтарға кетпеуі үшін. Мерзімді әскерде қызмет ету кезінде мамандықтарды оқыту идеясы да қызықты. Көптен бері бұл тақырып талқыланды. Неліктен біз түрмеде отырған қылмыскерлерді тегін оқытамыз, ал әскерден кейін азаматтық борышын өтегендер мамандық үшін ақы төлеуі керек деп сұрадық. Енді бұл әділетсіздік түзетіледі, - деді ол.



Фото: ашық дереккөз