БҒМ Алматыдағы 8-сынып оқушысының өліміне қатысты түсініктеме берді

29 Қазан 2021, 16:14
261423
Бөлісу:
БҒМ Алматыдағы 8-сынып оқушысының өліміне қатысты түсініктеме берді

Нұр-Сұлтан, BAQ.KZ. БҒМ Алматы қаласындағы Назарбаев Зияткерлік мектебінде қайтыс болған 8-сынып оқушысының жақындарына көңіл айтты. Сондай-ақ ведомство тергеу амалдары жүргізіліп жатқанын жеткізді.

Алматы қаласындағы Назарбаев Зияткерлік мектебінде қайғылы жағдайда қаза тапқан 8-сынып оқушысының ата-аналары мен жақындарына қайғыларына ортақтасып, көңіл айтамыз, - делінген хабарламада.

Қазіргі уақытта әлеуметтік желілерде оқушының қайтыс болуына байланысты қарама-қайшы ақпарат тарап жатыр.

БҒМ Балалардың құқықтарын қорғау комитетінің өкілдері қаза тапқан оқушының ата-анасымен байланыста. Құқық қорғау органдарының қызметкерлері тергеу іс-шараларын жүргізіп жатыр. Тергеу мүддесі үшін жағдайдың егжей-тегжейі жария етілмейді, - деді БҒМ баспасөз қызметі.

Ақпаратқа сәйкес, тергеу нәтижелері бойынша қажетті шаралар қабылданады. Сондықтан тергеу амалдарынан кейінгі ресми қорытындыны күтуіміз қажет.

Ата-аналарды, мұғалімдер мен мектеп басшыларын балалармен қарым-қатынаста асқан мейірімділік танытуға шақырамыз. Өйткені балаларымыздың өмірі мен денсаулығы қоғамның басты құндылығы болып табылады, - деп жазды БҒМ баспасөз қызметі.

Өзгелердің жаңалығы