Беларусь сыртқы істер министрі Владимир Макей қайтыс болды,деп хабарлайды BAQ.KZ Беларусь республикасы СІМ-нің баспасөз қызметіне сілтеме жасап.
Мәліметтерге сүйенсек, Владимир Макей 1958 жылы Гродно облысында дүниеге келген. Ол 1980 жылы Минск мемлекеттік шет тілдер педагогикалық институтын, 1993 жылы Австрия Сыртқы істер министрлігінің Дипломатиялық академиясын бітірген.
1980-1993 жылдары КСРО және Беларусь Қарулы Күштерінде қызмет еткен. Ол запастағы полковник болды.
1993-1995 жылдары - ақпараттық және гуманитарлық ынтымақтастық бөлімінің үшінші хатшысы, талдау және болжау бөлімінің екінші хатшысы, Беларусь сыртқы істер министрі хатшылығының екінші хатшысы.
1995-1996 жылдары - Сыртқы істер министрлігі Мемлекеттік хаттама қызметі бастығының орынбасары.
1996-1999 жылдары - Еуропа Кеңесіндегі Беларусь Республикасының өкілі, Франциядағы Беларусь елшілігінің кеңесшісі.
1999-2000 жылдары Беларусь Сыртқы істер министрлігінің жалпыеуропалық ынтымақтастық басқармасының бастығы болды.
2000-2008 жылдары - Беларусь Президентінің көмекшісі. 2008-2012 жылдары - Беларусь Президенті Әкімшілігінің басшысы.
2012 жылдың 22 тамызынан бастап Владимир Макей Беларусь сыртқы істер министрі болған. Төтенше және Өкілетті Елші дипломатиялық дәрежесіне ие болды.
Сондай-ақ 64 жастағы министрдің өліміне жүрек талмасы себеп болған.
