Нұр-Сұлтан, BAQ.KZ тілшісі. Бұл туралы Ақпарат және қоғамдық даму министрі Аила Балаева Қоғамдық сананы жаңғырту бағдарламасын іске асыру жөніндегі ұлттық комиссияның кеңейтілген мәжілісінде айтты.
Мемлекет басшысының тапсырмасына сәйкес «Рухани жаңғыру» бағдарламасы 2021 жылдан бастап қоғамдық сананы ұлттық жаңғырту кезеңіне өткізуге арналған жол картасы ретінде Үкімет қаулысымен Ұлттық жоба ретінде дайындалды, - деді Балаева.
Ол атағандай, Ұлттық жоба аясында әзірленген барлық шара жас ерекшелігіне қарай сәйкестендірілді.
Бүгінгі таңда бағдарламаның алты негізгі бағыты бойынша 16 арнайы жоба жүзеге асырылып жатыр. Әрине, әр жобаның өз орны, өз аудиториясы бар. Олардың арасында «Туған жер», «100 жаңа есім», «Киелі Қазақстан», «100 жаңа оқулық» жобалары бар. Олар қоғамнан өз бағалары мен қолдауын алды, - деді Балаева.
Министр атағандай, «Туған жер» жобасына бүкіл ел бойынша 13 мыңнан астам меценат қатысып, 280 млрд теңге сомасына 7 мыңға жуық әлеуметтік нысан салынды.
«Рухани жаңғыру» бағдарламасының арқасында халқымыздың қайырымдылық қызметінің жаңа дәстүрлері жаңғыртылып, мойындалды. «Киелі Қазақстан» жобасы аясында жалпыұлттық маңызы бар танымал орындар мен нысандардың тізімі кеңейтілді. Жалпыұлттық маңызы бар 2 мыңнан астам нысан және өңірлік маңызы бар 500-ден астам нысан анықталып, еліміздің киелі жерлерінің картасы мен екі томдық энциклопедиясы жарияланды,-деді ол.
Балаева ел бойынша 28 тарихи нысан қайта жаңғыртылып, «Бозоқ», «Ботай» және «Сарайшық» мұражай-қорықтары ашылғанын айтты.
