Бала құқықтары жөніндегі өңірлік уәкілдердің мәртебесі бекітіледі

16 Маусым 2024, 00:50
358
Бөлісу:
Бала құқықтары жөніндегі өңірлік уәкілдердің мәртебесі бекітіледі
Фото: baq.kz

Елімізде 16 маусымнан бастап әйелдер құқықтары мен балалардың қауіпсіздігін қамтамасыз ету туралы заң күшіне енеді. Мұнда бала құқықтары жөніндегі өңірлік уәкілдердің мәртебесін заңнамалық тұрғыдан бекіту көзделген, деп хабарлайды BAQ.KZ ОКҚ ақпаратына сүйеніп.

2022 жылдан бастап еліміздің 20 өңірінде өңірлік уәкілдер жұмыс атқарып келеді.

ҚР Оқу-ағарту министрлігі Балалардың құқықтарын қорғау комитеті төрағасының орынбасары Юлия Овечкинаның айтуынша, өңірлік уәкілдер ҚР Бала құқықтары жөніндегі уәкілімен тығыз байланыста жұмыс істейді.

Өңірлік уәкілдер ведомствоаралық байланысты үйлестіреді, балалардың құқықтары бұзылған әрбір жағдайды жеке бақылауында ұстайды және өз өңіріндегі кәмелетке толмағандардың істері және олардың құқықтарын қорғау жөніндегі комиссиялардың құрамына кіреді. Бала құқықтары жөніндегі өңірлік уәкілдер институтын енгізу балалардың құқықтарын қорғау жүйесін нығайтудағы маңызды қадам болып табылады. Бұл балалардың құқықтарының бұзылуына барынша тиімді ден қоюға және олардың алдын алуға мүмкіндік береді, - деп атап өтті Юлия Овечкина.

Бала құқықтары жөніндегі уәкілдің құзыретіне «111» байланыс орталығының қызметін үйлестіру, сондай-ақ мемлекеттік және қоғамдық институттармен өзара іс-қимылын ұйымдастыру кіреді.

Өзгелердің жаңалығы