Нұр-Сұлтан, BAQ.KZ. Геологтар күні ҚР Экология, геология және табиғи ресурстар министрлігі өз өмірін геология саласына арнаған жандар туралы әңгімелейді. Өз ісіне берілген осындай мамандардың бірі – Бақытгүл Мусиева.
Ол кәсіби тау-кен инженер-геологы.Сонау 1989 жылы Бақытгүл Ғалымжанқызы «Қазақмыс корпорациясы» ЖШС «Жезқазғантүстімет» ҒӨБ компаниясында жұмыс істей бастады. Ол жерде 2005 жылға дейін тау-кен жұмысшысынан бастап кеніштің жетекші геологына дейінгі түрлі лауазымдарда жұмыс істеді.
Компанияда жұмыс істеген уақытында учаскелік геолог, аға геолог, жетекші геолог болды, тау-кен жұмыстарын дамыту жоспарларын жоспарлаумен, дайындаумен, келісумен айналысты. Қатты пайдалы қазбаларды өндіру бойынша геологиялық қызмет жұмысын басқарды, тау-кен жұмыстарын дамытудың ең ұтымды және тиімді схемаларын анықтауға және шикізат өндіруді бақылауға қатысты.
12 жыл ҚР Энергетика және минералдық ресурстар министрлігі Геология және жер қойнауын пайдалану комитетінің «Орталыққазжерқойнауында» жұмыс істеді.
5 жылдан бері геолог «Қазгеология» АҚ «Геологияорталығы» өңірлік филиалының директоры болып табылады. Оның жер қойнауын мемлекеттік геологиялық зерттеу саласындағы жұмыстарды ұйымдастыруда, геологиялық ақпарат қорларындағы жұмысты ұйымдастыруда айтарлықтай тәжірибесі бар және бұл тәжірибесі оған өз жұмысында үлкен септігін тигізеді. Осылайша, Бақытгүл Ғалымжанқызының геология саласындағы жалпы жұмыс өтілі 32 жылды құрайды, - деп жазды министрлік.
Осындай жетістіктері үшін сарапшы салалық марапаттарға ие болды: адал еңбегі мен Қазақстан Республикасының геология саласын дамытуға қосқан үлесі үшін «Жер қойнауын барлау үздігі» және «Қазақстан Республикасының Жер қойнауының құрметті барлаушысы» төс белгілерімен марапатталды.
Бақытгүл Мусиеваның әйел геолог олардың мамандығында сирек кездесетінін айтты.
