Нұр-Сұлтан, BAQ.KZ тілшісі. Елордада «Хан Шатыр» аумағында ауыл шаруашылық жәрмеңкесі өтіп жатыр.
Жәрмеңке 12 қыркүйектен 13 қыркүйекке дейін жалғасады. Осылайша әр апта сайын сенбі-жексенбі әр аймақтан келген фермерлер өз өнімдерін елордалықтарға сатады.
Өткен аптада Түркістан және Алматы облыста өз өнімдерін ұсынған болатын.
Қалалық әкімдіктің хабарлауынша, Екі облыстың фермерлері елордаға 400 тоннадан астам өнім әкелді.
Елорда тұрғындары мен қонақтарына 204 тонна көкөніс, 92,8 тонна ет, 30 тонна шұжық, 12,5 тонна сүт өнімдері, 55 мың дана жұмыртқа, 21,5 тонна ұн және макарон өнімдері, 6 тонна кондитерлік өнімдер, 5 тонна қант, 2,5 тонна бал, 1,5 тонна кептірілген жемістер және басқа да өнімдер әкелінді.
Өнімнің барлығы нарықтағы бағадан 15-20% төмен болады. Мысалы, сиыр етінің бір келісін 1700 теңге, қой етін 1900 теңге, жылқы етін 2000 теңге сатып алуға мүмкіндік бар.
Жамбыл облысынан ауыл шаруашылығы тауар өндірушілерінің 10 жүк автомобиль керуені келді.
Ол өнімдерді Жамбыл облысының 10 ауданы мен Тараз қаласынан 90 ауылшаруашылық тауар өндірушілері ұсынуда.
Сондай-ақ, ұйымдастырушылардың айтуынша, барлық өнімдер санитарлық-ветеринарлық талаптарға сәйкес келеді.
Сонымен қатар тауардың сапасы мен шығуы туралы сертификаттарға ие.
Естеріңізге сала кетейік, жәрмеңкеге барушылар қатаң санитарлық-гигиеналық талаптарды сақтағандары жөн.
