Нұр-Сұлтан, BAQ.KZ. "Қазгидромет" РМК 29 қарашаға арналған ауа райы болжамын жариялады.
Синоптиктердің болжамы бойынша, Қазақстан территориясының басым бөлігі әлі де антициклонның ықпалында болғандықтан, жауын-шашынсыз ауа райы сақталады. Тек батыс аймақтарда жаңбыр мен қар күтіледі. Оңтүстікте жел күшейеді. Өзге аймақтарда тұман болжанады.Манғыстау, Атырау облыстарының кей жерінде жел 15-20 м/с күшейеді, көктайғақ күтіледі.
Атырау облысының жекелеген аумағын тұман басуы ықтимал.
Күндіз Жамбыл, таңертең және күндіз Қызылорда облыстарының кей жерінде жел 15-20 м/с артады, кей жерде тұман болжанады.
Түркістан, Батыс Қазақстан, Ақтөбе, Қостанай, Солтүстік Қазақстан, Шығыс Қазақстан, түнде және күндіз Қарағанды, түнде Алматы облыстарында тұман күтіледі.
