Азия чемпионатында топ жарған елордалық ескек есушілер елге оралды

Азия чемпионатында топ жарған елордалық ескек есушілер елге оралды
556

Спортшыларымызды кеше  Астана-1 теміржол вокзалынан туған-туысқандары және спорт саласының бірқатар өкілдері ыстық ықыласпен қарсы алды, деп хабарлайды BAQ.KZ.

Еске алсақ, Тайланд қаласындағы Паттайя-жағажайында 29 қараша аралығымен 4 желтоқсан күндері жастар арасында ескек есуден Азия чемпионаты өткен болатын.

Оған әлемнің 19 елінен, яғни Вьетнам, Қытай, Үндістан, Гонконг, Иран, Жапония, Өзбекстан, Тайпей, Индонезия, Тайланд, Ирак, Корея, Сауд Арабиясы, Филиппин, Сингапур, Шри-Ланка, Самали елдерінен жас спортшылар қатысты. Олар алты күн бойы жекелей сында және командалық топта бақтарын сынады.

Қазақстан құрамасы атынан 24 спортшы бақ сынасты. Олардың қатарында Астана қаласының спортшылары да бар. Елордалық ескек есушілер Азия чемпионатында үздік өнер көрсетіп, алтын мен қола медальді еншіледі.

Жастар тобында сыңға түскен жерлестеріміз Фомичев Тимур мен  Мельников Ярослав екі бұрылмалы айналым бойынша бірінші орын иеленді. Ал, Қазақстан экипажының құрамында брлған елордалық Медина Конурбаева төрт бұрылмалы айналым бойынша үздік үштіктердің қаларынан көрінді.

Жалпы жарыс қорытындысы бойынша Қазақстан құрамасының еншісінде екі алтын және екі қола.

Қысқа да нұсқа. Жазылыңыз telegram - ға
Өзгелердің жаңалығы