Нұр-Сұлтан, BAQ.KZ тілшісі. Ассамблеясы Төрағасының орынбасары Марат Әзілхановтың төрағалығымен Республикалық этномәдени бірлестіктермен ҚХА-ның ХХІХ сессиясында берілген тапсырмаларды орындау бойынша кездесу өтті.
Кездесуге ҚР Парламенті Мәжілісінің депутаттары, Ақпарат және әлеуметтік даму министрлігі Этносаралық қатынастарды дамыту комитетінің төрағасы, этномәдени бірлестіктердің жетекшілері мен мүшелері, жастар мен бұқаралық ақпарат құралдары қатысты.
Қазақстан Республикасы Тәуелсіздігінің 30 жылдығына арналған Қазақстан халқы Ассамблеясының ХХІХ сессиясы Қазақстанның Тұңғыш Президенті - Елбасы Нұрсұлтан Назарбаевтың бейбітшілік пен келісім саясатын дамытуға жаңа серпін берді, - деп атап өтті Марат Әзілханов.
Тәжірибелік деңгейде Ассамблеяға елдің жаңа имиджін және ұлттың жаңа бірегейлігін қалыптастыруға үлес қосу; Ассамблеяның тиімділігін арттыру бойынша шаралар қабылдау; ҚХА мекемелері кез-келген қиындыққа қарсы тұруға дайын болуы керек; қоғамдық дипломатияны дамыту; достық елшілерінің корпусын кеңейту сияқты міндеттер жүктелді.
Кездесуге қатысушылар ҚХА-ның ХХІX сессиясы этномәдени бірлестіктердің республикалық, аймақтық және жергілікті көшбасшылары үшін нақты сілтеме болды, жұмыс стратегиялары мен іс-шаралар жоспарлары соған сәйкес түзетілетіндігін атап өтті.
Кездесу барысында ҚХА төрағасының орынбасары Қазақстан халқы Ассамблеясының тиімділігін арттыруға бағытталған жаңа практикалық шараларды атап өтті.
Кездесуге қатысушылар этномәдени бірлестіктердің Қазақстан халқы Ассамблеясының ХХІХ сессиясының нұсқауларын жүзеге асырудағы рөлі мен міндеттерін, халықтың өзекті әлеуметтік мәселелерін шешуді, қайырымдылық пен еріктілердің нақты жобаларын, экологиялық акциялар өткізу, өрттен зардап шеккен Риддер қаласының тұрғындарына ҚХА тарапынан көрсетілген көмек туралы айтты.
ҚХА мүшелері мен этномәдени бірлестіктердің жетекшілері Ассамблеяны басқару құқығының Тұңғыш Президент - Елбасы Н.Ә.Назарбаевтан Президент Қ.К.Тоқаевқа ауысуының маңызды саяси нәтиже болғандығын тағы бір рет атап өтті. Қазақстан мен Ассамблея үшін бұл қадам стратегиялық сабақтастықты, ҚХА үшін де, этникалық бірлестіктер үшін де жаңа міндеттер жүктейді.
Сондай-ақ, кездесу шеңберінде этномәдени бірлестіктермен өзара іс-қимылдың өзекті мәселелері, Қазақстан Республикасы АҚДМ мен «Қоғамдық келісім» РММ-нің ұлтаралық қатынастар, сондай-ақ Ассамблеяның республикалық этномәдени бірлестіктермен бірлескен жобаларын іске асыру қарастырылды
