Қазалыда күріш ұны қосылған нан өнімдері сатылуда

Нұр-Сұлтан, BAQ.KZ. Қызылорда облысы Қазалы ауданында күріш ұны қосылған нан өнімдері сатылуда. Бұл туралы Қазалы ауданы әкімдігінің баспасөз қызметі хабарлады.

Қызылорда облысында агроөнеркәсіптік кешен саласындағы инновациялық жобаларды жүзеге асыру бағдарламасы аясында бірқатар жобалар өз нәтижесін беруде.

Биылғы жылы Қазалы ауданындағы "РЗА-Нан" ЖШС-де "Қазақ қайта өңдеу және тамақ өнеркәсібі ғылыми-зерттеу институты" ЖШС-нің ғалымдары күріш ұнын нан өнімдеріне қолдану бойынша өз жұмыстарын бастады. Күріш ұнтағы қосылған нан өнімдеріне зертханалық зерттеулер жүргізілді. Зерттеу жүргізген сала мамандары мен тұрғындар күріш нанының дәмін татып, оң бағасын беруде, - делінген хабарламада.