Түркияда тұрып жатқан айтыскер ақын Айнұр Тұрсынбаева немерелі болып, әже атанды, деп хабарлайды BAQ.KZ.
Сүйінші хабармен Айнұр Тұрсынбаеваның өзі Instagram-дағы парақшасында бөлісті.
Ал сүйінші! Кеше ғана үйленген Беклан мен Мәдинам бүгін ата-ана атанды! Толғақ 40 сағатқа созылды... Алланың шексіз мейірімімен бүгін таңғы сағат 4.25-те Әлем Бекланұлы дүниеге келді! Қазақтың атын әлемге танытатын мықты ұлдардың қатарында болсын дедік... Барлықтарыңызға жұғысты болсын, - деп жазды ол.
Сондай-ақ ақын қуанышты күні тілек білдірген 5 адамға 10 мыңнан сыйлық болатынын да айтып, өз парақшасына жазылушылардың делебезін қоздырып қойды.
Айта кетсек, өткен жылы Айнұр Тұрсынбаева келін түсіріп, Түркияда дүркіретіп той өткізген болатын.
