Нұр-Сұлтан, BAQ.KZ. FlyArystan әуе компаниясы Нұр-Сұлтан-Шымкент бағытындағы ұшақтың Алматыда шұғыл түрде қонуына қатысты түсініктеме берді.
FlyArystan әуе компаниясының Нұр-Сұлтан-Шымкент бағытындағы КС7325 рейсі 19 ақпанда сағат 08:55-те қолайсыз ауа райына байланысты (қатты жел) қосалқы әуежайға қонуға мәжбүр болды. Ұшақ Алматы әуежайына штаттық режимде қонды. Сағат 10:30-да рейс Алматыдан ұшып шығып, сағат 11:49-да Шымкент әуежайына қонды, - деп мәлімдеді компанияның баспасөз қызметі.Еске салсақ, бүгін Нұр-Сұлтан-Шымкент бағытындағы ұшақ шұғыл түрде Алматыға қонғаны хабарланған болатын.
