"Ақжайық" табиғи резерватының 20 гектарында өрт әлі тоқтатылмаған, деп хабарлайды BAQ.KZ
Табиғи резреваттағы қамыс өртін сөндіруге "Қазавиақұтқару" АҚ су төгу құрылғысы бар МИ-8 тікұшағы тартылды. Тікұшақпен тілсіз жау ошақтарына 27 рет, жалпы көлемі 81 тонна су төгілді. Қызыл жалынның елді мекендерге таралу қаупі жоқ, – деп мәлімдеді төтенше жағдайлар департаменті.
Өртті сөндіруге Атырау облыстық төтенше жағдайлар департаментінің жеке құрамынан және "Ақжайық" мемлекеттік табиғи резерватынан 52 адам, 10 техника, сондай-ақ "Қазавиақұтқару" АҚ-ның тікұшағы жұмылдырылды.
Жалын шарпыған аумақта уақытылы ақпарат алмасу үшін командалық-штабтық автокөлік арқылы байланыс орнатылған.
Айта кетейік, 13 маусым күні Атыраудан 15 шақырым жерде, Еркінқала ауылы маңында "Ақжайық" мемлекеттік табиғи резерваты аумағында шамамен 600 гектар аумақта қамыс өртеніп бастаған.
