Атырау облысының активіне өңірдің жаңа басшысы таныстырылды

7 Сәуір 2022, 17:57
1633
Бөлісу:
Атырау облысының активіне өңірдің жаңа басшысы таныстырылды
PHOTO

Нұр-Сұлтан, BAQ.KZ. Мемлекет басшысы Қасым-Жомарт Тоқаевтың тапсырмасы бойынша ҚР Премьер-министрі Әлихан Смайылов пен ҚР Президенті Әкімшілігінің басшысы Мұрат Нұртілеу Атырауға жұмыс сапарымен барып, облыс активіне өңірдің жаңа басшысы Серік Шәпкеновті таныстырды. 

Бұл туралы ҚР Премьер -министрінің ресми сайты хабарлады.

Айта кетейік, ҚР Президенті Қасым-Жомарт Тоқаевтың Жарлығымен, облыстық мәслихат депутаттарының келісімі бойынша Серік Жамбылұлы Шәпкенов Атырау облысының әкімі болып тағайындалды.

Атырау облысының активіне өңірдің жаңа басшысы таныстырылды

Атырау – мұнайлы өлке. Еліміздің экономикасы үшін маңызы зор облыс. Өткен жылы Президенттің тапсырмасымен Атырау облысын әлеуметтік-экономикалық дамытудың 2021-2025 жылдарға арналған кешенді жоспары қабылданды. Осы жоспар бойынша облыста жиналған бірнеше маңызды проблема шешілетін болады. Үкімет бұл жоспарды қосымша қаржыландырып, оның сапалы орындалуын ерекше бақылауда ұстайды. Халықтың әлеуметтік жағдайын, тұрмыс сапасын жақсартуға бағытталған нақты шараларды жүзеге асыруымыз қажет. Мемлекет басшысының жаңа Жолдауында осы мәселеге айрықша назар аударылған, – деді Премьер-министр. 

Атырау облысының активіне өңірдің жаңа басшысы таныстырылды

Үкімет басшысы жаңа әкімнің қызметіне табыс тілей отырып, «басшылық қызметтердегі жұмыс тәжірибесі мен білімінің арқасында Серік Жамбылұлы өңір алдында тұрған міндеттерді облыс активімен бірлесе отырып, сапалы атқарады деп сенім білдіреміз, — деді.

Атырау облысының активіне өңірдің жаңа басшысы таныстырылды


Сондай-ақ Әлихан Смайылов Махамбет Досмұхамбетовке алғысын білдіре келе, ол басшылық еткен жылдары өңірде бірқатар маңызды жобалар іске асырылып, облыс әлеуметтік-экономикалық дамуда оң нәтижелерге қол жеткізгенін атап өтті.

Өзгелердің жаңалығы