Астанаға жаңа автобустар келуіне байланысты 4 қарашадан бастап «Үркер» тұрғын алабы мен «Нұрлы жол» теміржол вокзалы арасында қатынайтын жаңа №66 бағыт іске қосылды, деп хабарлайды BAQ.KZ.
City Transportation Systems компаниясының мәліметінше, бағыт Тәуелсіздік даңғылындағы жаңа көпір арқылы жүреді.
Осылайша, елорданың оң жағалауы мен сол жағалауы арасындағы көлік қатынасын жақсартады.
Сондай-ақ «Үркер» ТА мен «Нұрлы жол» теміржол вокзалы арасындағы көліктік байланысты қамтамасыз етуге мүмкіндік береді.
Нәжімеденов, Керей, Жәнібек хандар, Мұхамедханов көшелерінде орналасқан тұрғын үй кешендеріне тасымал қызметін көрсетіп, сондай-ақ «Үркер» тұрғын алабы ішін қоғамдық көлікпен қамтиды.
Айта кету керек, №66 бағдар қолданыстағы №14, 35, 36, 45, 50, 56 бағдарларының жүктемесін азайтады.
