Астанада пәтерлерге айналған техникалық қабат бұзылады

24 Сәуір 2024, 18:53
274
Бөлісу:
Астанада пәтерлерге айналған техникалық қабат бұзылады
PHOTO
Фото: Елорда әкімдігі

Астанада пәтерлерге айналдырылған техникалық қабат бұзылады, деп хабарлайды BAQ.KZ елорда әкімдігінің ресми сайтына сілтеме жасап.

«Елімай Сити» ТК құрылысына тапсырыс беруші техникалық қабатты пәтерлерге қайта жабдықтау бөлігінде бекітілген жобадан ауытқу арқылы құрылыс-монтаждау жұмысын жүргізді.

Астанада пәтерлерге айналған техникалық қабат бұзылады

Осылайша, Астана қаласының қалалық ортасының сапасы және бақылау басқармасы құрылыс салушыға қатысты әкімшілік құқық бұзушылық туралы хаттама жасап, бұзушылықтарды жою туралы нұсқама берді.

Астанада пәтерлерге айналған техникалық қабат бұзылады

Бұдан басқа, басқарма Астана қаласының мамандандырылған ауданаралық экономикалық сотына объектіні сараптамадан өткен бекітілген жұмыс жобасына сәйкес келтіру жолымен анықталған бұзушылықтарды жою туралы талап арыз жолдады.

Бүгінгі күні құрылыс салушы аталмыш шешімді орындау үшін тұрғын үй кешенін жобалық құжаттамаға сәйкес келтіру мақсатында заңсыз тұрғызылған қоршау конструкцияларын бөлшектеу бойынша іс-шаралар жүргізіп жатыр.

Астанада пәтерлерге айналған техникалық қабат бұзылады

Жалпы алғанда, салынып жатқан тұрғын үй кешенінің екі блогында 12 пәтерді бөлшектеу жұмыстары жүргізілуде. Тұрғын үй кешені Нұра ауданында Қорғалжын тас жолы мен E127 көшесінің қиылысында орналасқан.

Өзгелердің жаңалығы