Астанада көші-қон қызметінің қызметкерлері Қазақстанның көші-қон заңнамасын бұзған 279 шетелдік азаматты анықтады.
Сонымен қатар, көші-қон ережелерін бұзғаны үшін 53 қазақстандық жауапкершілікке тартылды.
Заңсыз түрде шетелдік жұмыс күшін тиісті рұқсатсыз пайдаланған 15 жұмыс беруші анықталды.
Тексеру нәтижесінде 67 шетелдік елден шығарылды, ал сот шешімін орындаудан жалтарған 11 адам мәжбүрлі түрде депортацияланды.
Сондай-ақ, Қазақстаннан шығу визасының мерзімі өтіп кеткен Нигерия азаматына Әкімшілік құқықбұзушылық туралы кодекстің 517-бабы бойынша хаттама толтырылды.
