Астана Тәуелсіздіктің 35 жылдығына қалай дайындалып жатыр?

Елорда көшелерінде мемлекеттік тулар ілініп, ғимараттар мен LED-экрандар мерекелік кейіпке ене бастады. Қалада қандай өзгерістер бар?

17 Қараша 2026, 17:36
АВТОР
Астана қаласы әкімдігі  Астана қаласы әкімдігі 17 Қараша 2026, 17:36
17 Қараша 2026, 17:36
55
Фото: Астана қаласы әкімдігі

Астанада Қазақстан Республикасы Тәуелсіздігінің 35 жылдығына орай мерекелік безендіру жұмыстары жүргізіліп жатыр. Айтулы дата қарсаңында елорда көшелеріне мемлекеттік тулар мен тақырыптық баннерлер ілініп, ғимараттардың қасбеттері мен LED-экрандарда мерекелік бейнелер көрсетіле бастады.

Қала әкімдігінің мәліметінше, мерекелік безендіруді қаланың бірнеше аумағынан көруге болады.

Тәуелсіздіктің 35 жылдығына арналған тақырыптық бейнероликтер қалалық 3D LED-экранда, шолу дөңгелегінде, «Қазақстан темір жолы» ҰК» АҚ ғимаратының қасбетінде және басқа да нысандарда көрсетіліп жатыр.

Мерекелік шараларға елорданың сауда орталықтары да атсалысуда. Олардың ішкі LED-экрандарынан Қазақстан тәуелсіздігіне арналған бейнероликтер көрсетілуде.

Айта кетейік, 2026 жылғы 16 желтоқсанда Қазақстан Республикасы Тәуелсіздігінің 35 жылдығын атап өтеді.

Наверх